ஆண்களுக்கு வரும் அனைத்து பிரச்சினைகளுக்கும் ஒரே மருந்து – குணமானவரின் ஆடியோ பேட்டி !

நம் அனைத்து அன்பு உள்ளங்களுக்கும் இனிய தமிழ் புத்தாண்டு நல்வாழ்த்துக்கள். கடந்த சில மாதத்திற்கு முன்பு நம் வலைப்பூ வாசகர் ஒருவர் மூலம் அவரின் நண்பர்  ஒருவருக்கு பாலியல் ரீதியான சில பிரச்சினைகள் இருக்கிறது இதற்கு மருந்து  இருக்கிறதா என்று கேட்டார், பெரும்பாலும் பாலியல் ரீதியான பிரச்சினைக்கு நாம் மருந்து  கொடுக்க ஒரு போதும் விரும்புவதில்லை ஊருக்கு ஊர் , தெருவிற்கு தெரு மருத்துவமனை திறந்து இதைத்தானே செய்கின்றனர் அவர்களிடம் சென்று காட்டுங்கள்  என்று சொல்லிவிட்டோம். ஆனால் அதற்கு அவர் ஒரு முறை தம் நண்பரிடம் நேரில்  பேசுங்கள் அப்போது தான் அவர் படும் துன்பம் புரியும் என்றார், சரி என்று நேரில்  வரச்சொல்லி இருந்தோம், நேரில் வந்து பிரச்சினைகளை ஒவ்வொன்றாக சொல்ல மனம்  உண்மையிலே கலங்கிவிட்டது, வாழ்வதை விட இந்த பூமியைவிட்டு செல்லலாம் என்று  ஒருவர் கூறினால் பிரச்சினையின் தாக்கம் எந்த அளவிற்கு இருக்கிறது என்பதை உணர முடிந்தது. எவ்வளவு நாட்களாக இந்தப்பிரச்சினை இருக்கிறது என்று கேட்டோம் அவர் 10 வருடங்களுக்கும் மேல் என்றார், அலோபதி மருத்துவர் மட்டுமல்லாமல் பிரபல பல  வைத்தியர்களை சந்தித்திருக்கிறேன் எங்கும் தீர்வு இல்லை என்ற பதிலும், இவரை  பரிந்துரை செய்த நபரும் பிரபல வைத்தியர் தான் என்பதால் இவருக்கு சாதாரண ஒரு  மருந்தை கொடுத்து குணப்படுத்த முடியாது என்பதை தெளிவாக காட்டியது.

எல்லாம் வல்ல நம் குருநாதர் அகத்தியம் பெருமான் தன் நூலில் ஒரு ஆணுக்கு வரும்  அனைத்து வகையான பாலியல் பிரச்சினைகளுக்கும் ஒரே மருந்து இருக்கிறது என்பதை  படித்த ஞாபகம் அந்தப்பாடலில் சில வரிகள் இதோ…

போமப்பா வியாதி யெல்லாந்தீர்ந்து போகப்
பூவாலே சூரணந்தான் புகல்வேன்பாரு
ஆமப்பா கலவி செய்ய போகமீறும்
அப்பனே தாதுவிர்த்தியதிகமாகும்
தாமப்பாலகிரியுண்டாம் போதங்காணும்
தப்பாது விடுப்பு விடமாட்டாதப்பா
நாமப்பா செய்ததொழில் நாட்டிலேதா னலமான
மன்னருக்கு நாட்டுவாறே.

வாரானவியாதி யொன்றும் வந்தாலிந்த
மருந்தொன்றும் போதுமடா செய்து கொண்டால்
ஆராலுமாகாது அறிந்துசெய்யார்
அப்பனே ரிஷிசித்தர் செய்யவேணும்
பாராது நாட்டிலுள்ள வயித்தியோர்கள்
புகழான வாதிமகன் வைத்தியமே செய்வான்
பாராது தீருமடா யெந்த நோயானாலுங் பகருகிறேன்
பூவாலே மருந்தைக்கேளே !

இந்தப்பாடலை படித்தாலே மருந்தின் முக்கியத்துவம் அனைவருக்கும் தெரிந்திருக்கும்,  கடந்த 1 மாதத்திற்கு முன் குறிப்பிட்ட ஒரு நாளில் வரச்சொல்லி குருவின் அன்பினால்  மருந்தை அவருக்கு கொடுத்தோம். எந்த வித பாசானங்களோ இல்லாமல் மூலிகைகளின்  பூ மற்றும் பொடி தான் மருந்து. சரியாக 1 மாதத்திற்கு பின் போன் செய்து மருந்து  நன்றாக வேலை செய்கிறது நேரில் சந்திக்க எப்போது வரலாம் என்றார், குறிப்பிட்ட  நாளில் நேரில் வந்து என் நோய் முழுமையாக குணம் அடைந்துவிட்டது நன்றி என்று  கூறினார். அவரின் கண்ணில் தெரிந்த அன்பும் பணிவும் எல்லையில்லா ஆனந்தமும்  பார்ப்பதற்கு மகிழ்ச்சியாக இருந்தது ஒருவரின் உயிரை சந்தோசப்படுத்தியதில் நம்மையும்  ஒரு கருவியாக இறைவன் படைத்தானே என்று நினைத்து எம் குருநாதருக்கும்  முருகப்பெருமானுக்கும் மனதார நன்றி கூறினோம். தயங்கியபடி நின்று கொண்டு மருந்துக்கான கட்டணம் எவ்வளவு என்றார் , கட்டணத்திற்கு மருந்து கொடுப்பது  வியாபாரிகள் வேலை, மருத்துவம் வியாபாரத்திற்கான இடம் அல்ல இங்கு அன்புக்கும்  பணிவுக்கும் தான் மருந்து என்று கூறி அனுப்பினோம். இவரின் அனுபவ பேட்டியை இரண்டு பாகமாக இங்கு கொடுத்துள்ளோம்.

பாகம் 1

பாகம் 2

தயவுசெய்து நம் வாசகர்கள் சில விடயங்களை புரிந்து கொள்ள வேண்டும் , மருந்து பற்றி  கேட்கும் போது தங்களின் முழுவிபரம், வயது, வேலை , எங்கு வசிக்கிறீர்கள் , எவ்வளவு  நாட்களாக பிரச்சினை இருக்கிறது, மெடிக்கல் ரிப்போர்ட், உணவுப் பழக்கம் போன்ற விபரங்களை தெரியப்படுத்த வேண்டும், இங்கு பணத்தால் எதையும் சாதிக்க முடியாது,  உண்மையான அன்பும் பணிவும் இருந்தால் மட்டுமே இங்கிருந்து மருந்து பெற்றுக்கொள்ள முடியும். சில நேரங்களில் மருந்து செய்து கொடுக்க நியமித்த நபர்களிடம் நம் மக்கள் காசுக்குத்தானே மருந்து இவர் கொடுக்கிறார் என்று அலட்சியமாக பேசுவது, வார்த்தையால் அவர்களை காயப்படுத்துவது நமக்கு பிடிக்காத காரணத்தினால் இது போன்ற அரிய மருந்துகளை செய்து கொடுக்க முடியாத நிலை வருகிறது. காலமும் குருநாதரும் அனுமதித்தால் இம்மருந்து செய்து கொடுப்பதுபற்றி யோசிக்கலாம். 10 வருடங்களுக்கு மேல் அலோபதி மருந்து எடுத்து குணம் கிடைக்காதவர் 40 நாட்களிலே  குருநாதர் அகத்தியரின் மருந்தினால் முழுமையான குணம் பெற்றுள்ளார் என்றால் சித்தர்கள் எவ்வளவு பெரிய மருத்துவர்கள் என்பதை அனைவருக்கும் தெரிவிப்பதே இப்பதிவின் நோக்கம். நம் வாசகர்கள் பேஸ்புக் மற்றும் டிவிட்டரில் இந்தத்தகவலை பகிர்ந்து கொள்ளுங்கள்.