உடல் எடையை குறைக்கும் உன்னதமான மருந்து – பாகம் 1

உடல் எடையை குறைப்பது எப்படி ? என்று ஆயிரக்கணக்கான இமெயில்கள் தினமும் வந்து கொண்டே இருக்கின்றது. இப்படி சாப்பிட்டால் உடல் குறையுமா அல்லது இந்த முறைப்படி சாப்பிடலாமா என்று பல கேள்விகள். உங்கள் அனைவருக்கும் பயனளிக்கும் விதத்தில் சித்தர்கள் கையாண்ட ஒரு சூட்சம முறையைப்பற்றி பார்க்கலாம். ஒரே பொருள் உடல் எடையை குறைக்கவும் அதிகரிக்கவும் பயன்படும் ஆச்சர்யமாக இருக்கிறதா பயன்படுத்திப்பார்த்தால் தான் அதில் இருக்கும் உண்மை நமக்கு புரியும்.

அதற்கு முன் பல வாசகர்கள் பேலியோ டயட் எடுக்கலாமா இதன் மூலம் எங்களுக்கு சில மாதங்களிலே உடல் எடை குறைந்துவிட்டது அதிவேகமாக உடல் எடை குறைவதால் பயமும் இருக்கிறது அதனால் இதை தொடர்ந்து எடுக்கலாமா என்றும், இன்னும் சிலர் தெளிவான விளக்கமும் கொடுத்து கேட்டிருந்தனர் அதாவது மனிதன் ஆதிகாலத்தில் கிடைத்த பழங்களையும் அசைவ உணவுகளையும் பச்சையாக சாப்பிடுவதை வழக்கமாக்கி உண்டனரே அதுபோல் தான் இப்போதும் சாப்பிடுகிறோம் வெளிநாட்டினர் கூட முன்பிருந்தே பேலியோ டயட் முறையைத் தான் பயன்படுத்துகின்றனர் என்று தெரிவித்துள்ளனர்.

எதையும் தீர்க்கமாக ஆராய்ந்து அறிவது தான் உண்மையான அறிவு.  நம் சித்தர்கள் எழுதிவைத்ததை அரை குறையாக புரிந்து கொண்டு ஏதோ தாங்களே கண்டுபிடித்தது போல் பிதற்றும் வெளிநாட்டுக்காரன் இது எங்களின் சாதனை என்று சொல்லியதும் ஏன் எதற்கு என்று கேட்காமல் வெளிநாட்டுக்காரன் கூறினால் சரியாகத்தான் இருக்கும் என்று கூறும் மக்களுக்கு எப்படி உண்மை நிலை புரியும். பேலியோ டயட் குறித்த சில அடிப்படையான கேள்விகளை உங்களுக்குள்ளே கேட்டுப்பாருங்கள் உண்மை புரியும்.

1. ஆதிகால மனிதன் நேரடியாக கடையில் சென்று இறைச்சி வாங்கவில்லை  வேட்டையாடி தான் உண்டான் உடல் உழைப்பு என்ற ஒன்று இருந்தது  ஆனால் இப்போது அது இல்லை.

2. ஆதிகால மனிதன் பழங்கள் சாப்பிட வேண்டுமானால் கடைகளில் சென்று பழங்களை வாங்கவில்லை,  மரத்தில் ஏறி பழங்களை பறித்து தான் உண்டான், ஆன்லைன் மூலம் ஆர்டர் செய்து வீட்டிற்கு வரவழைத்து சாப்பிடவில்லை.

3. மனிதன் ஒரு பாலூட்டி வகையை சேர்ந்தவன், பாலுட்டி விலங்குகளின் குடல் நீளம் அதிகமாக இருக்கும், ஆடு, மாடு , யானை போன்ற எந்த உயிரினமாவது அசைவ உணவுகளை சாப்பிடுகிறதா ?

4. குடல் நீளம் குறைவாக இருக்கும் விலங்குகளான சிங்கம், புலி, சிறுத்தை போன்றவை வேட்டையாடி தான் தம் உணவை உண்கிறது ஏன் என்றால் அதன் குடல் நீளம் குறைவாக இருப்பதால் அதனால் அதிகமாக அளவு உணவை உட்கொள்ள முடியாது. மலச்சிக்கல் வராது நோயும் வராது,  அடிக்கடி பசிக்கவும் செய்யாது. குடலில் இருந்து கழிவு வெளியேறினால் தான் பசிக்கும்.

சித்தர்களின் அரிய பொக்கிஷமான பதார்த்த குண சிந்தாமணி என்ற நூல் உணவை எப்படி வகை பிரித்து சாப்பிட வேண்டும் என்று கூறுவதை எந்த வெளிநாட்டுக்கரானும் கூறமுடியாது. எந்த காய்கறிகளுடன் எந்த காய்கறிகளை சேர்க்க வேண்டும். ஒவ்வொரு பழங்களும் எப்போது சாப்பிட வேண்டும். நோய்களுக்கு மருந்தாக உணவை கொடுக்கும் நம் கலாச்சாரத்க்கு முன் இதெல்லாம் வெறும் தூசு. மனிதர்களை இரண்டு பிரிவாக  பிரிக்கின்றனர் ஒன்று உட்கார்ந்த இடத்தில் மூளை வேலை செய்யும் மந்திரிகள் , கணக்கு வழக்கு பார்க்கும் நபர்கள்.

இரண்டாவது பிரிவு  போருக்கு செல்லும் நபர்கள், இதில் உட்கார்ந்த இடத்தில் வேலை செய்யும் நபர்கள் அந்த காலத்தில் சைவ உணவுகளை மட்டும் தான் உண்பர், ஏன் என்றால் அவர்களுக்கு உடல் உழைப்பு அதிகம் தேவைப்படாது. இரண்டாவது வகையில் இருக்கும் மக்களுக்கு உடல் உழைப்பு அதிகம் தேவைப்படும் எதிர் நாட்டினருடன் போர் செய்து தாய் நாட்டை காக்க வேண்டியது இருக்கும் அதனால் அவர்களின் உணவு வகையில் அசைவ உணவு வகைகள் இருக்கும் அதிலும் அந்த அசைவம் உடலில் எந்தவிதமான நோயையும் உண்டு செய்துவிடக்கூடாது என்பதற்காக அசைவம் சமைக்கும் போது அதில் இஞ்சி, பூண்டு , வெங்காயம் இது போன்ற மூலிகைகளையும் சேர்த்து தான் உண்டுள்ளனர் அதனால் அவர்களுக்கு நோய் வராது.

உடல் உழைப்பு இருக்காது ஆனாலும் பேலியோ டயட் எடுத்தால் உடல் எடை குறைகிறது என்று வெளிநாட்டினரின் பேச்சை கேட்ட உங்களுக்கு ஒரு தகவல் தெரியுமா ? பேலியோ டயட் சாப்பிட்டால் கேன்சர் வராது என்று ஆரம்பத்தில் கூறிய வெளிநாட்டினர் தான் இப்போது பேலியோ டயட் சாப்பிடுவதால் கேன்சர் உருவாவதற்காக வாய்ப்பு அதிகம் என்று  கூறுகின்றனர்.  இதற்கான ஆதாரம்.

கேன்சர் மட்டுமல்ல இரண்டு ஆண்டுகள் தொடர்ந்து பேலியோ டயட் எடுத்தால் கிட்னி பெயிலியர் மற்றும் இதய அடைப்பு , மூச்சு திணறல், சோம்பேறி தன்மை போன்ற நோய்கள் வரும் என்று அவர்களே கூறுகின்றனர், இதற்கான ஆதாரமும் அவர்களே வெளியிட்டுள்ளனர்.  ஆதாரம்.

இப்போது வெளிநாட்டினர் எல்லாம் பேலியோ டயட் என்பதை விட்டு மலையேறி வேகன் ( Vegan) என்ற புதிய இயற்கை காய்கறி , பழங்களின் வழிக்கு மாறிவிட்டனர் என்பது எத்தனை பேருக்குத் தெரியும்.

பதிவின் நீளம் கருதி இத்துடன் நிறைவு செய்கிறோம் அடுத்த பதிவில் உடல் எடையை குறைக்கும் அந்த மருந்து என்ன என்பதையும் அதை எப்படி சாப்பிட வேண்டும் என்பதையும் இறைவன் அருளால்  தெரியப்படுத்துகிறோம்.

உடல் எடையை குறைக்கும் உன்னதமான மருந்து – பாகம் 2