உடல் எடையை குறைக்கும் உன்னதமான மருந்து – பாகம் 2

உடல் எடையை குறைக்கும் இந்த மருந்தின் இரண்டாம்  பாகத்தினை படிக்கும் முன் முதல் பாகத்தினை இங்கு சொடுக்கி படித்துவிட்டு அதன் பின் இந்தப்பதிவை படிக்கவும்.

கடந்த சில மாதங்களாகவே நம் வாசகர்கள் பலபேர் தமிழகத்தில் மழை இல்லாமல் வறட்சியாக மாறிவருகிறது குடிநீர் தட்டுப்பாடு வரும் சூழ்நிலை உருவாகின்றது. மழைக்காக வேண்டிக் கொள்ளுங்கள் என்று பல இமெயில்கள் வந்துள்ளது. எல்லாம் வல்ல நம் இயற்கை அன்னையிடமும் அன்பே உருவான நம் குருநாதரிடமும் மழைக்காக மனம் உருகி இந்த நிமிடமே வேண்டிக்கொள்கிறோம். நம் அனைவரின் மேலும் குருநாதர்  வைத்திருக்கும் அன்பு உண்மை என்பதை வெளிக்காட்ட கண்டிப்பாக நல்ல மழை வளம் தருவார் மகிழ்ச்சியாக வாழ வைப்பார் கவலை வேண்டாம்.

ஆயிரக்கணக்கில் பணம் செலவு செய்யாமல் உடல் எடையை குறைப்பது சாத்தியம் தானா என்று எண்ணும் அனைவரும் இதை முயற்சி செய்து பார்க்கலாம். மூன்று ஆண்டுகளுக்கு முன்னர்  ஒருவர் தன் உடல் எடை  110 கிலோ இருக்கிறது உண்ணா நோன்பு எடுத்தேன், அலோபதியில் மாத்திரை சாப்பிட்டேன் ஆனால் அதிகபட்சம் இரண்டு கிலோவிற்கு மேல் தன் உடல் எடையை குறைக்க முடியவில்லை என்று கேட்டிருந்தார்  பெரும்பாலும் பெரிய நோய்களுக்கு மருந்து சொல்வதற்கே நேரம் கிடைக்காத போது உடல் எடை குறைப்பதற்கு மருந்து  அனுப்பவில்லை, இரண்டு முறை தொடர்ந்து இமெயில் மூலம்  கேட்டிருந்தார் சரி என்று குருநாதரின் நூலில் இதற்கான மருந்து  தேடிய போது. ஒரே மருந்து உடல் எடையை அதிகரிக்கவும் குறைக்கவும் உதவும் என்று இருந்தது. அந்த மருந்தை  காலையில் எடுத்தால் உடல் எடை குறையும் என்றும் இரவில் எடுத்தால் உடல் எடை அதிகரிக்கும் என்றும் இருந்தது. இதற்கு  சில பத்தியங்களும் கொடுத்துள்ளார். இதை உடனடியாக  அவருக்கு தெரியப்படுத்தி இருந்தோம் சரியாக இரண்டே  மாதங்களில் 8 கிலோ உடல் எடையை குறைத்ததோடு, சரியாக 6  மாதங்களில் 14 கிலோ உடல் எடை குறைத்துள்ளார் என்ற மகிழ்ச்சியான செய்தியையும் இங்கு பகிர்ந்து கொள்கிறோம்.

குருநாதர் தம் நூலில் இதற்கு மருந்தாக கூறி இருப்பது ”முருகு” .  முருகு வைத்து உடல் எடையை கூட்டவும் குறைக்கவும் பயன்படுத்தலாம் என்கிறார் ஆனால் கால நிலை அறிந்து  பயன்படுத்த வேண்டும் என்றும் சொல்கிறார். முருகு என்றால்  அழகு , இளமை , முருகக்கடவுள், தேன், அகில் என்ற பல  பெயர்கள் இருந்தாலும் மதுரம் என்று என்று பாடலில் வருவதால்  தேனை எடுத்து முழுமையான பயனைப் பெறலாம் என்றும் இளமையோடு நோய் இல்லாமல் கொழுப்பு உடலில் சேராமல் இருக்கலாம் என்றும் கூறுகிறார்.

உடல் எடையை குறைக்கும் அந்த மருந்து என்னவென்றால் ” தேன் “ தான் அந்த மருந்து. உடல் எடையை குறைக்க விரும்பும்  நபர்கள் காலையில் வெறும் வயிற்றில் 1 டம்ளர் தண்ணீரில் 2  ஸ்பூன் சுத்தமான தேன் கலந்து அதனுடன் சிறிது முருங்கை  இலைகளை ( 10 கிராம் அளவு இலைகள் ) கலந்து 5 நிமிடம்  கொதிக்க வைத்து வடிகட்டி தண்ணீரை குடிக்க வேண்டும்.  இதற்கு பத்தியம் என்னவென்றால் அசைவ உணவுகள் , பால்,  வெள்ளை சீனி ( white Sugar ) , நெய் போன்றவைகளை  மறந்தும் சாப்பிட கூடாது. தினமும் காலையில் இது போல்  தேனும் முருங்கை இலையும் கலந்து காய்ச்சி வடிகட்டி  குடித்துவந்தால் உடல் எடை உடனடியாக எந்தவித  பக்கவிளைவுகளும் இல்லாமல் குறையும். சில பெண்களுக்கு குழந்தை பெற்ற பின் வயிற்றில் ஏற்படும் தொப்பையை கூட இது குறைக்கும்.

அதே போல் உடல் எடை அதிகரிக்க விரும்பும் நபர்கள் இரவு  படுக்கச்செல்லும் முன் 1 டம்ளர் நீரில் 2 ஸ்பூன் தேன் கலந்து 5  நிமிடம் கொதிக்க வைத்து ஆறவைத்து குடித்து வந்தால் உடல்  எடை அதிகரிக்கும். உடல் எடை அதிகரிக்க விரும்பும் நபர்களுக்கு பத்தியம் கிடையாது. அதோடு முருங்கை இலைகளை  சேர்த்துக்கொள்ள வேண்டியதில்லை சுத்தமான தேன் மட்டும்  போதும்.

சுத்தமான மலைத் தேன் நல்ல பலனை உடனடியாக கொடுக்கும். இம்மருந்தில் தேன் தான் முக்கியம் அதனால் நல்ல தேனை  உங்களுக்கு தெரிந்த இடத்தில் வாங்கிப்பயன்படுத்துங்கள்.  சுத்தமான மலைத்தேன் கிடைக்காத நபர்கள் மட்டும் உங்களுக்கு சுத்தமான தேன் தேவை என்றால் இந்த +91- 7667473724 அலைபேசி எண்ணில் தொடர்பு கொண்டு அன்பையும் நன்றியையும்  தெரிவித்து மருந்து பெற்றுக்கொள்ளுங்கள். இவர்கள் வியாபாரிகள்  அல்ல ஒரு சேவையாகவே செய்கின்றனர்.

கண்டிப்பாக இம்மருந்தை பயன்படுத்தி உங்களுக்கு ஏற்பட்ட  அனுபவங்களை மறக்காமல் தெரியப்படுத்துங்கள்.